نصائح لنضارة البشرة . حل مشكلة بياض الوجه .. حل الهالات السودة تحت العين

بسم الله الرحمن الرحيم 

نصائح لنضارة البشرة . نصائح لتقشير البشرة .. نصائح لحل مشكلة حب الشباب .. حل لمشكلة السواد تحت العيوان

طبعا كلنا بده القسم المحبوب حايسين بالخلطات والتقشيرات وغرضنا بشرة بيضاء نظرة ..

جد يابنات انا كنت مجنونه خلطات ويوميا اعملها …
المهم وجات ايام واجهت أمور ومشكلات أتعبتني نفسيا واشغلت بالي وضغوطات .. 
المهم ومره شفت شكلي بالمرايا صدمت ..
يالله انا ماشاء الله الكل يمدح ببشرتي وانو وجهي دايم ناااعم وابيض وفيه نظاره و ينبض من الحياة ..
صار ميت وشاحب مرره لدرجة فتحت فمي من الذهول انو هذا وجهي !!…
المهم قلت حأرجع وجهي للحياة وعملت خلطات وكريمات تغذيه وقشرته بنفس اليوم ..
وجهي تحسن بنسبه ماتزيد عن 5 % ..
اقول ياربي ليش مااارجع زي أول .. 
المهم وجلست ايام كده اعمل خلطات وماتفيدني ابدن ..
وبعدين لاحظت أكلي بمره من المرات ..
لقيت نفسي اكل بس وجبه رئيسيه باليوم الي هي الغدا ..
المويه امكن كنت اشرب امكن كاسه باليوم وعلى هيئة شاهي او ببسي اوعصير !!
وفطوري وعشائي هوت شوكلت (شوكولاته ساخنه) ..
قلت والله من حقه تصير كذا بشرتي سيئه جدا..

المهم وقلت خليني أعمل بنفسي تجربه لبنات حواء ويستاهلو والله ..
قلت خليني أجرب واترك الخلطات والمقشرات والتجميلات الخارجي هدي نهائيا ..
وأجرب اغذي جسمي عن طريق الأكل الصحي والخضروات والفواكه ..

النتيجه ظهرت خلال اسبوع بس ..
بنات وجهي صار بض ..تعرفو ايش يعني بض ؟؟
ونضر تحسيه انه منتعش جدا ورجع ابيض والله بدون خلطات ولاشئ ..
حتى صحتي ونشاطي ..احس اني منطلقه واني ما أبغا اجلس ..
احس جد انو جسمي يشكرني انو غذيته بالشئ الي يفيده 
..
بنات صدقوني نتايج الخلطات = صفر ، دام أكلك سيئ جدا ..
وانا ما أتكلم عن البياض الي يجي من الكريمات ..
انا اتكلم عن النضاارة .. احيانا تشوفي بنت سمراء مره بس تحسي بشرتها احلا من بشرتك تحسي بشرتها تلمع وانها حية وده الي اقصده ..

الان حأقولكم ايش عملت (وانا معروفه اني ما أكل تلات ارباع أصناف الفواكه ، والخضار كلها ما أحب اكلها )

…

كنت أعمل يوميا (سلطة فواااكه ، وسلطة خضاار )

نجي أول لسلطة الفواكه :-

كنت أكلها كـ (نقنقة ) لما اتفرج تلفزيون او اكون اسولف مع اخواتي فأأكلها وانا احكي معهم ..

طريقة سلطة الفواكه :-
خذي برتقال وموز وتفاح ده الرئيسي ولو تحبي أضيفي عادي فواكه من عندك حبات عنب أو كيوي ..
بس اهم شئ في تكوين السلطة الموز والبرتقال حأقولكم الان ليش …

ولاتنسو ، احنا نبغاه أكل صحي يا حبيباتي ..
المهم خذي برتقالتين و3 موزات وتفاحه ولو تحبي زودي بس حاولي تضاعفي كميه الموز ، المهم وقطعيهم صغير صغير وحطيهم في زبدية مقعرة ، وزي ماقلتلكم لو حابين تضيفو فواكه من عندهم ماهي مشكله بالعكس الفواكه فيها فيتامينات وزياده الخير بركه ..

المهم وبعدين تاخذي عصره وخذي برتقالتين واعصريهم واضيفي عصيره للفواكه الي قطعتيهم ..
وقلبي الفواكه كويس وحطيها بالثلاجه ساعه تبرد ..
وبعدين يم يمممم لزاااازة وطعم رووعه ممتع ولذيد وصحي ..
بس وقت ماتعمليها اعملي كميه بحيث تخلص بنفس اليوم ليكي ولاهلك ، لحتى باليوم الي بعده تعملي واحد جديد وطااازج وfresh ..

- عندي ليكم ملاحظه ع السلطة دي ترا تنحف لانها طازجة يابنات ، مرت عمي الله يخليها ويحميها يارب هي الي دلتني عليها وحتى صحبة ماما الله يسعدهم يارب احبهم ..
مرت عمي ترا نحفت ع السلطه دي صارت ماتأكل الا دي السلطة واستمرت عليها اسبوع ونحفت 4 كيلو من مع مشي ساعتين وتقول صار الضغط عندها ثابت ووكانت عندها نقص بعض من الفيتامينات بدمها تقول رجعت متوازنه وتقول استغنت عن ادويه كثيره (دي اضافه للفائده )

نجي للسلطة الخضراء:- 
كنت أكره اكلها يابنات وما احب طعمها بعدين عرفت اسرار للسلطة تخليها خياليه والان انا واخواتي بعد ماكنا نأكله مضطرين عشان ماما فديتها ، صرنا نخلصه ونتضارب عليه وصار الطبق الرئيسي وقت الغداء ..

كلكم تعرفو تسو السلطة مايحتاج اقولكم طريقتها …
بس الاشياء الي تخليها لزيزة ..
هي : الفلفل الأخضر ، البصل الأاخضر وشوي تقطعي البصل العادي ..
تخلي السلطة يم يمممم 

المهم وبالنسبه للتتبيله حقت السلطة وتخليها خطيره وتأكليها بنهم هي :
ملح + ليمون + زيت زيتون + شوي سماق(يعطيه طعم مر على حامض نسميه احنا مزازه )