رواية الا انا أرجوك لا تعيفني - روايات طويلة رواية الا انا ارجوك

رواية الا انا أرجوك لا تعيفني



البارت الأول :*

أصايل دخلت بيتها العادي مرتب شكله من برا : افففففف حر*
ووراها أخوها عبد المجيد واحمد : إي والله .. يقرف هالحر*
أصايل : يمه .. وينگ ..؟!*
ام عبد المجيد طالعة من المطبخ وبإيدها الملعقة الكبيرة*
أصايل تقدمت وباست راس أمها : يعطيگ العافية يمه*
ام عبد المجيد بابتسامة رضا : الله يعافيگ*
عبد المجيد تقدم بعد من أمه وباس راسها : إن شاء الله الغدا جاهز ..؟! .. ترى عصافير بطني تغرد
احمد بعد باس خدها*
ام عبد المجيد : الحين أنتو روحو تشطفو وبدلو ملابسگم تلاقوهـ جاهز .. كمان أبوك ترى لسة ما جا*
اصايل وعبد المجيد واحمد راحو غرفهم يبدلون ملابسهم*
ام عبد المجيد رجعت لمطبخها*
شوي وأبو عبد المجيد يجي ويبدل ملابسه ويرجع ينزل وعياله عبد المجيد واصايل وأحمد ينزلون يتجمعون على طاولة الطعام *

(برب .. أعرفگم على العايلة)*

أبو عبد المجيد : 47 سنة .. يشتغل بشركة من شركات واحد من أغنى رجال السعودية .. راتبه 20 الف .. طيب وحنون بمعنى الكلمة على زوجته وعياله*
ام عبد المجيد : 43 سنة .. مدرسة رياضيات ثالث ثانوي .. راتبها 10 آلاف .. حنونة وصبورة وتحب زوجها وعيالها اكثر من نفسها .. يَ دوب ترجع من دوامها وتسوي الغدا وتسوي واجبات بيتها*
عبد المجيد : 24 سنة .. متخرج من الجامعة قسم إدارة اعمال .. يشتغل بعد مع ابوهـ في الشركة .. يحب الرجة والاستهبال بس وقت الجد جد .. يحب أخته أصايل كثيييييير ومتعلق فيها .. لونه قمحي عيونه متوسطين بعدسة رصاصية .. خشمه سله السيف وشفايفه مرسومة دائماً مضبط سكسوكة .. جسمه معضل لأنه يشيل حديد*
أصايل : 17 سنة .. ثاني ثانوي .. قسم علمي .. حبوبة هادئة جداً .. لأنها ما تحب أحد يقولها لا فما تقول لا .. دائماً نفسيتها حلوة ومفتوحة .. الابتسامة عنوانها .. حساسة درجة اولى تحب البيانو .. عندها بيانو في غرفتها دائماً تعزف عليه .. تحب الأطفال بقوة .. بشرتها بيضة وناعمة .. عيونها وساع بعدسة رصاصية فاتحة .. خشمها صغيير وطويل .. فمها مرسوم رسم ووردي وصغير .. شعرها گثيييف وأسسود يوصل لتحت نص ظهرها بشوي وناااعم .. في نص ساقها اليمين فيه وحمة متوسطة دائرية لونها أخضر عشان أمها أيام حملها بأصايل كانت متوحمة ع الزيتون .. جسمها صغيير ونحيف وطولها متوسط*
احمد : 12 سنة .. أول متوسط*

( ساكنين بالرياض )*
بآگ


بعد الغدا .. جلسو في الصالة قدام التلفزيون ويشربون شاهي*
ابو عبد المجيد قفل التلفزيون بجهاز كنترول الي عندهـ : احم*
ام عبد المجيد : خير يَ الغالي .. عندگ شي بتقوله !*
ابو عبد المجيد : ايه والله .. يَ بنيتي يَ أصايل*
أصايل التفتت وبابتسامة : هلا يبه*
ابو عبد المجيد : انتي يَ بنيتي كبرتي .. وصرتي بسن الزواج .. وبالمختصر .. خطبگ مني واحد ولد ناس وعندهـ حلال ما شاء الله .. ضابط .. عمرهـ 28 .. بس يَ بنيتي هو كان متزوج وعندهـ بنت صغيرة .. وأمها توفت والله يرحمها .. وأنا أشهد يَ بنيتي انه ولد حلال .. لا تضيعيه من ايديگ*
الگل ابتسم ع الخبر الي أسعدهم*
أصايل منزلة راسها بخجل : الي تشوفه يبه*
ووقفت بتقوم الا يوقفها صوت ابوها : تراهـ ساكن بجدة*
أصايل : الي تشوفه سوهـ يبه*
وراحت ركض ع غرفتها*
ام عبد المجيد : يَ حليلها تستحي*
*^*^^*^*^*^*^*^*^*^*^*^*^*^*^*^*
دخلت غرفتي وانا فرحانة أني بتزوج .. مع أني لسة صغيرة .. لا مؤ صغيرة .. صديقاتي بالمدرسة 2 منهم تزوجو*
قعدت بخفة قدام البيانو وحطت أصابعها الطويلة ناعمة الملمس على البيانو لتعزف معزوفة سريعة تزيد من فرحها >> ما تدري يَ أصايل وش ينتظرگ من متاعب !*
*^*^*^*^*^*^*^*^*^*^*^*^*^*^*^*^
اليوم الثاني*

الصباح*

أصايل نازلة من الدرج ولابسة مريولها البني شبه مخصر وشنطتها على كتفها اليمين*
ابو عبد المجيد على سفرة الطعام : يَ بنيتي گم مرة أقولگ اشتري شنطة كتفين .. ابو كتف واحد متعبة .. وانتو بعد كتبكم ثقييلة
أصايل : إن شاء الله يبه*
أبو عبد المجيد : ترى گلمت الرجال ويوم الاربعاء جاي يملگ وياخذگ على طول*
أصايل انصدمت : وش يوم الربوع !! .. ما جهزت ولا شي*
ابو عبد المجيد : يَ بنتي الرجال مستعجل عليگ*
أصايل وقفت بسرعة مستحية وقالت وهي تطلع من الباب ماشية : يالله مجود أنا برة*
قام عبد المجيد وهو يضحگ على خجلها : يالله حمود*
احمد وقف وشنطته معاهـ يسحبها بالگفرات*
عبد المجيد : ياخي شيل شنطتگ أزعجتنا*
احمد قاصد يزعجه ويجري في الحوش : هههههههههههه وأنا أحب صوت الگفرات*
عبد المجيد : وجع*
ورگب السيارة واحمد بعد*
(عبد المجيد وأحمد يحبون بعض ويعزون بعض بس ما يرتاحون الا اذا كل واحد ناقر الثاني)*
عبد المجيد زعلان على فراق أصايل : أصولة ما گأنگ صغيرة عالزواج !!*
أصايل : تعرفني مقدر أخالف أبوي ....
عبد المجيد : أبوي ما غصبگ .. هو قالگ عن الرجال وسألگ إش رايگ .. وانتي ما شاء الله مجهزة الجواب*
أصايل : أبوي عاجبه الرجال وهذا يگفي*
عبد المجيد : الله يصبرني على نار فرقاگ*
أصايل ابتسمت : ويصبرني .. ترى جدة قريبة هنا .. مؤ بعيدة*
عبد المجيد تنهد*
*^*^*^*^*^*^*^*^*^*^*^*^*^*^*^*^
في المدرسة*

الابلة خلصت شرح الدرس ولسة الحصة ما خلصت لأن الدرس كان قصير .. جلست الأبلة على كرسيها تستنى الحصة تخلص .. أصايل وقفت قدام الأبلة .. أبلة سهاد طالعت فيها : هلا أصايل .. فيه شي ما فهمتيه في الدرس ..؟!*
أصايل بأدب : لا أبلة أنا گنت بسألگ اشفيه أعمال ما سويتها عشان أنا بنقل من المدرسة*
الابلة سهاد فتحت دفتر متابعة الطالبات : ممم شفيه ما سويتي مممم .. ما شاء الله كله سويتيه .. ما عندگ شي*
أصايل : طيب أبلة گيف درجة الاختبار في الفترة الأولى*
الابلة سهاد رجعت فتحت دفترها : بقولگ عشانگ بتنقلين .. ما شاء الله كاملة .. 30*
أصايل فرحت : والله*
الابلة سهاد ابتسمت : ايه ما شاء الله*
أصايل : شكرًا*
الابلة سهاد : العفو .. الا اصولة ليش بتنقلين ..؟! .. فيه أحد مضايقگ فيه أحد مسويلگ شي*
أصايل ابتسمت بخجل : لا أنا بسافر جدة*
الابلة سهاد طق في راسها عرق اللقافة : وش عندگ بجدة ..؟!*
أصايل نزلت راسها بخجل : آآ بتزوج
الابلة سهاد فرحت جد لأصايل لأنها تعتبرها مثل بنتها : والله ! .. مبروووووگ حبيبتي .. والله يتمملگ على خير*
أصايل : شگرا*
الابلة سهاد : وشو ! *.. ما بتعزميني على زواجگ !!*
أصايل : هههههه الا .. أمي وصت علي أعزمگ*
الابلة سهاد : الله يجزاها الخير .. ومتى الزواج ان شاء الله ..؟!*
أصايل مرتبگة ومنزلة راسها بخجل وتفرگ يدينها : ما رح نسوي طقطقة وكذا .. عالسكيتي .. ملكة ودخلة مع بعض .. بس بنسوي حفلة صغيرة في البيت يوم الاربعاء*
الابلة سهاد : الله يتمملگ على خير*
أصايل انسحبت بهدوء وجلست مكانها .. ونظرات الغيرة تشتعل من الفصل لأنها محبوبة عند الأبلات لأنها شاطرة ومجدة في دراستها .. الگل گان ياگلها بعيونه الا صديقتها جمبها اسمها سماء الروح بالروح*
(ستووووب*

نتعرف على شخصية*

سماء : 17 سنة .. على قد نيتها حبووبة وتدخل القلب بسرعة .. تحب الرجة والاستهبال أول ما تصحى دائماً تقول جملتها المفضلة " فيني طاقة أبي أفرغها " أبوها متوفي من سنتين وأمها مدرسة مع أم أصايل .. ساكنين ببيت مكون من 5 غرف وطبعا ملگ لهم .. مملوحة )*

( طبعا تسألون ليش أصايل ما درست في مدرسة أمها .. ام اصايل لما كانت اصايل بتدخل الثانوي قالت ادخلي اي مدرسة الا مدرستي .. لأن على قولتها ان البنات عندها قليلات أدب ويطلعون قرون .. واذا جا بأصايل بيزعلوها وهي ما ترضى على بنتها .. وأم سماء أيدت كلام ام اصايل ودخّلت بنتها مع أصايل )*

بعد 6 ساعات*


ابو عبد المجيد كالعادة إستأذن من عمله وراح جاب أم عبد المجيد من المدرسة ورجع دوامه*

بعد شوي عبد المجيد خلص دوامه وراح صاروخ على سيارته ما يبي أخته حبيبته تنحرق في الشمس .. بعد دقايق وصل مدرسة أصايل .. شافها متسندة على سماء بس هو طبعا ما يعرف سماء .. وقف بسرعة ونزل من السيارة يركض لأصايل : أصايل شفييگ*
سماء : يعني ما تعرف أصايل تدوخ في الشمس .. وانت الله يهداگ گل يوم متأخر عليها*
أصايل تهذي : حررر .. مگيف .. غرفتي .. سريري .. حررررر*
هذي حالتها اذا داخت في الحر*
عبد المجيد على طول شالها بخفة للسيارة وسط نظرات الإعجاب من الطالبات*
حرگ السيارة بسرعة وراح*
سماء أول ما راحت سيارة عبد المجيد جات سيارة سواقها ومشت*
*^*^*^*^*^*^*^*^*^*^*^*^*^*^*^*^
دخل البيت حطها على طول ع الكنبة وشغل المكيف : يماهـ تعالي *
ام عبد المجيد خرجت من المطبخ وايدها على قلبها : وش فيه بعد !! .. شصار لها بنيتي*
عبد المجيد : يمه ما فيها شي .. كالعادة ديخانة من الحر .. رشي عليها شوية موية باردة وخلاص ( وقال وهو يطلع ) انا بجيب احمدوهـ
*^*^*^*^*^*^*^*^*^*^*^*^*^*^*^*^
بعد المغرب*

ام عبد المجيد : اصولة حبيبتي ذاكرتي ..؟!*
أصايل : ايه بعد الغدا أخذت كتبي وذاكرت .. توني مخلصة*
ام عبد المجيد : اجل يالله قومي نروح السوق .. اليوم الاثنين والرجال جاي بعد بكرة*
اصايل : يمه تعرفيني ما احب الاسواق*
ام عبد المجيد : لازم يَ بنيتي .. يومين وانتي لسة ما جهزتي شي*
شوي ودخل ابو عبد المجيد ووراهـ عبد المجيد شايل شنطتين كبااار*
احمد بلقافة : مجيدوهـ وش هذا*
عبد المجيد : الاولى بحبسگ فيها اسبوع عشان تبطل لقافة .. والثانية اخليها حمامگ واحطگ بالمخزن .. نياهاهاهاها*
احمد : هي هي هي باااايخ*
اصايل ضحكت : هههههههههههههه
عبد المجيد جلس وحط الشنط قدامه : اصولة تعالي شوفين زوجك وش جاب*
اصايل تصنمت من كلمة " زوجگ " حستها كلمة كبيرة ولها معنى أكبر*
ام عبد المجيد سحبت اصايل وجلسو قدام الشنطة*
احمد بطفش : يالله بس افتح الكنز الي قدامگ*
عبد المجيد فتح الشنطة الاولى وطلع فستان كان قمة في الفخامة .. لونه ابيض ومرصع بالكرستالات الالماسي .. طويل يتسحب وراها .. نص الظهر مفتوح والصدر مزموم عليه من قدام .. بصفة عامة الفستان كان قمة في الفخامة*
اصايل لا اراديا : واااااااااااااو*
بعدين استوعبت نفسها واستحت لأن أبوها كان قاعد
عبد المجيد فتح الشنطة الثانية وطلع ثلاث علب .. طقمين فخمين الماس وواحد ذهب*
اصايل استحت ووقفت جري ع غرفتها*
ابو عبد المجيد ابتسم : يَ حليلها*
ام عبد المجيد : عبد المجيد قوم طلع هالشنط غرفة أختگ*
عبد المجيد : ابشري يالغالية*

مرت يومين بسرعة البرررق .. وجا اليوم المنتظر*

رجعت من المدرسة وعيونها منفخين*

ام عبد المجيد بخوف : شفيگ يمه ..؟!*
اصايل : ابلاتي .. صديقاتي .. كلهم ببعد عنهم .. والله احبهم*
ام عبد المجيد ارتاحت : حبيبتي انتي .. بتدرسين بجدة ان شاء الله ورح تحبين ابلاتگ ان شاء الله*
اصايل : ........ ( لا رد )*
ام عبد المجيد : طيب جهزي نفسگ بعد العصر بنروح المشغل .. الساعة 12 الرجال بياخذگ
اصايل : استغفر الله هو ليش كذا مستعجل*
ومشت طلعت غرفتها*

(ونختصر >> بتمر عليگم هالكلمة في كل البارتات هع)*

بعد العصر مشت اصايل مع أمها المشغل وتكلمت مع المديرة شوي ورجعت بيتها عشان تزبطه وتوجب الضيوف .. سوت لها حلاوة وتنظيفات وتدليگ وسوت لها تسريحة هادئة مع مكياج ناعم بظل موف وفضي وبلشر مشمشي وروج فوشي فاتح .. ملامحها يطغى عليها أنوثة ناعمة .. والمكياج الرايق زادها أنوثة .. مشت لسيارة عبد المجيد الي تنتظرها*
عبد المجيد حرگ السيارة بهدوء وباين عليه انه زعلان*
اصايل طلت وجهه وعرفت ليه زعلان وحز بخاطرها*
وصلت البيت وكانت الساعة 9*
كان الحضور ما يقل 17 شخص من الحريم*
وأصدقاء ومعارف ابو عبد المجيد*
جاها عبد المجيد في غرفتها ومد لها الدفتر : وقعي هنا*
ويأشر لها*
مسكت القلم ويدها ترجف .. اول ما حطت يدها ع الدفتر عبد المجيد مسگ يدها وقال بحزن : والله صغيرة عالزواج*
أبوهـ من وراهـ : بس عقلها يوزن بلد*
ابتسمت وابتسم عبد المجيد بدورهـ : مبروگ حبيبتي*
اصايل وهي توقع : الله يبارگ فيه*
ابو عبد المجيد : يالله يَ بنتي .. الرجال يستناگ*
اصايل تطالع ساعتها الألماس : يبه بدري الساعة 11
ابو عبد المجيد : يَ بنتي الرجال وراهـ أشغال*
اصايل بقلة حيلة : الحين البس عباتي وانزل*
ابو عبد المجيد : مجيدوهـ خليگ عندها نزل شناطها الرجال بالسيارة*
عبد المجيد : مسرع*
اصايل طلعت عباتها ولبستها عبايتها ونزلت من الباب الخلفي للحوش ومعها اخوها عبد المجيد شايل شنطتها الكبيرة .. لقت أمها واخوها احمد بوجهها .. حضنت أمها بأقوى ما عندها وصارت تبكي وأمها بدورها بكت على فراق بنيتها وحيدتها*
عبد المجيد : يمه يالله الرجال يستنى*
ام عبد المجيد بعدت شوي : انتبهي لنفسگ حبيبتي .. الله يحفظگ يَ بنيتي من كل شر*
اصايل التفتت على اخوها احمد الي كان دايم يجيها ويقولها اعزفيلي .. وتعزف له برحابة صدر .. شافت الدمعة بعيونه .. حضنته وباست خدهـ*
احمد بابتسامة : مع السلامة*
اصايل بادلته بابتسامة احلى : مع السلامة حبيبي*
سلمت على ابوها وباست ايدهـ وراسه ووصلت لأخوها عزيزها وحضنته الين بغت تدخل في ضلوعه .. حست بقطرات ساخنة تنزل على راسها بعدت شوي وطالعت فيه لقت دموعه ينزلون بصمت .. همست : مع السلامة*
طلعت من البيت ما تبي عبد المجيد يشوف دموعها لأنه رح يحز بخاطرهـ أكثر .. حست بإيد تحضنها من جنب : انتبهي على نفسگ*
طالعت فيه : عبد المجيد .. يَ قلبي لا تزعل أني بروح .. ان شاء الله كل اجازة تلاقيني ناطة عندكم
عبد المجيد ابتسم غصب عنه : لا تزعلين يوسف*
اصايل عقدت حواجبها : منو يوسف*
جاها صوت غريب عليها : زوجگ*

*^*^*^*^*^*^*^*^*^*^*^*^*^*^*^*^
انتهى البارت*